Jessica C.蜜遊米蘭啜爆男友

在港發展的Jessica C.難得上月中有假期，即遠赴米蘭探望有份於當地時裝周行騷的男友Sergio，兩人趁空檔四圍遊覽拍拖談情。當地時間前日下午，Jessica和男友相約到名店街Shopping。大抵是兩人都太掛念對方，一見面即情不自禁來個深情一吻。

二人在大教堂前自拍，Jessica更鬼馬地偷啜男友。	放大圖片	Jessica跟男友如連體嬰般，去到邊都攬到實。

攬實取暖

兩人先到當地的名勝Duomo大教堂前拍照，由於頗為大風，Jessica拿出冷帽戴上保暖，後來更索性攬實男友取暖。除了在大教堂前互相拍照留念，他們還旁若無人啜住玩自拍，甜蜜非常，而啜到口乾的Sergio要飲水解渴。

之後二人到附近的店舖逛街，Jessica先陪男友睇手提電話配件，Sergio則陪她買絲襪和高踭鞋，期間精通意大利語的Sergio更為女友充當翻譯員，向店員解釋女友需要，顯得相當細心。兩人先後到了名店Prada和Gucci，又到了較平民的店舖Foot locker和Ash，Jessica最後買了一對價值95歐元的高踭波鞋。逛足兩個小時，兩人全程如連體嬰般黐到實，更三度甜蜜咀嘴，愛得極為癡纏。

今日返港

事後記者致電身在當地的Jessica，談到這次的米蘭之旅，她說：「二月中嚟到米蘭，一直都係Stay喺度，我哋住喺朋友屋企。Sergio第二次喺度工作，所以對環境好熟，呢度成日塞車，為咗做嘢唔遲到，我哋會踩單車，或者坐地鐵。（幾時返香港？）三日返去喇，我都好掛住香港呀！」