在朋友的印象入面，我是一個有好多朋友的人，無錯，我的而且確是有好多朋友，可能你會問點解我會有那麼多的朋友？其實我相信人人都可以有好多朋友，只是你有沒有真心去對待過你的朋友……

以前……仍然年輕的以前……我會覺得朋友多一個唔多、少一個唔少，不過當人愈大，你就會發覺朋友多一個唔多……不過少了一個就愈來愈少……認真的，我們每一個都試過發朋友脾氣，我們每一個都曾經放過朋友飛機，不過……當你真心對待你的朋友，你知道你唔應該發你的朋友脾氣，你更加唔會要你的朋友白等你。

真心對待朋友的意思，是你要好好珍惜他們，真心去關心他們，唔會去傷害他們傷害一段友誼關係，其實你自己都明白畀人發脾氣的委屈，畀人放飛機的無奈，你都希望你的朋友可以真心對待自己，請你發脾氣之前放飛機之前，都可以掉番轉頭諗吓朋友的感受，你就會明白……你還不明白嗎？

只要你發少啲脾氣，放少啲飛機，關心朋友多一啲，珍惜朋友多一啲，你都會有好多朋友！你終於都明白了嗎？

願我們人人都會有好多朋友。

時裝設計師