如果尋晚「雙喜情人節」做咗乖仔乖女，煙花日就可以陪伴情人，繼續甜蜜度歲。要霸佔有利位置睇煙花並唔容易，一企可能等幾個鐘，若然捱埋肚餓就更慘，好彩坊間大把即買輕食、叮叮美食及滋味零食，好味程度足夠你哋一齊嘩！

即買即食

一如自助式食店，Marks & Spencer推出的Food to Go有超過四十多款美食，包括三文治、薄餅卷、軟包、果汁、Smoothies、沙律及甜品等，即買即食夠方便！

希臘式車厘子乳酪　$23（A） 純味希臘式乳酪，配合蜜餞車厘子，品嘗時不妨將兩者拌勻，便會感覺甜酸味道來得剛好。	燒烤醬牛肉卷　$33（A） 比三文治更易拿着品嘗，墨西哥薄餅卷內有新西蘭燒烤醬牛肉，以及甜粟米紅椒番茄滋味醬，咬開質感堅韌、餡料惹味，值得一試。	明蝦蛋黃醬三文治　$35（A） 食店熱選，麵包內滿是混合了蛋黃醬的鮮甜蝦仔，食完一整份都不覺膩。
香辣雞肉水晶麵條沙律　$38（A） 甚有Fusion味道的食物，內有英國香辣醃雞肉、番薯粉水晶麵條及嫩菠菜等，加上香辣甜酸沙律汁 ，更加醒胃。

美味一叮

叮叮美食全日通行，除了點心、意粉，近年愈見花樣百出，像南瓜薯餅、瑤柱粒及朱古力梳乎厘等，不妨在家先叮一叮，便可出街享用。

北海道南瓜薯餅　$35.5（B） 南瓜可謂百搭食材，今次用來炮製薯餅亦沒失手，咬開可看到粒粒南瓜肉，田園風味濃郁。	北海道瑤柱（他他汁）　$29.9（B） 炸帶子香口鮮甜，為中和肥膩感覺，便配上食炸魚柳的那種他他汁，酸香醒胃，連食幾粒都可以。	好味一品（紅豆餅裝）　$17.9（B） 這種在街頭熱賣的魚仔餅，還可回家叮來食，一拿出即聞到陣陣芳香，內裏紅豆餡分量夠，食得滿足。
GU朱古力梳乎厘　$58.9（特價）（C） 以53%比利時朱古力製造，香味濃郁，無論用微波爐或焗爐翻熱都適合，吃一口質感輕盈，水準不錯。

零食滋選

既有自備正餐，又豈可沒有口立濕作陪襯？以糖果、米果及果仁等作為間場食物，睇煙花時會更開心。

可樂味方塊軟糖（前）$8.5/包 香蕉味軟糖（後）$8.5/包（A） 很少見到橙紅色的可樂糖，幸好味道一樣，粉絲們可放心捧場；另有如小記小時候嘗過的香蕉味軟糖，香蕉味道幾可亂真，很有親切感。	蜜糖芝麻味杏仁　$37起（D） 果仁類零食甚為健康，這款杏仁鋪滿蜜糖芝麻，入口鬆脆及有芝麻香，男女老幼都喜歡。	七彩雜錦米通$29.9（左） 特選美味米通$36（右）（B） 米通都算日本經典小食，以花生、芝麻及紫菜混合製成，米味香濃，兼質感鬆脆，七彩顏色甚為吸引。

今年煙花新搞作

虎年煙花匯演將綻放二萬三千多枚煙花，而且圖案愈見繁複，當中包括應景的虎頭、金元寶及吉字等，非常好意頭，另外，為迎接今年舉行的上海世博，特別發放「EXPO」、「2010」等字樣，增加可觀程度。

查詢電話：

（A）2926 3331

（B）2694 1111

（C）2121 8346

（D）2111 4480

撰文：楊淑英

攝影：陳世昌、梁偉德（部分）

模特兒：Kiki T.、Kennedy C.（Omni Model）