今日是踏入虎年的第一日，首先恭祝大家身體健康！因為我覺得一個人的健康是最緊要！

唔知大家發唔發覺，差不多每一年自己個生肖都好似是犯太歲？你唔知會點解？總之就犯啦！上年又話唔知咩刑太歲？今年又好似咩沖太歲？下年又唔知咩咩太歲啦！總之年年都有嘢要小心！小心講嘢以免惹上官非！小心身體有小毛病，小心錢財否則會破財，仲有咩呀？有呀！最好捐吓血洗吓牙，因為可以化咗個血光之災！

自己從來都不會因為犯太歲而去攝太歲的人，因為我深信世事都是早已注定，我們又不是先知，個天要你惹上官非，你避得開嗎？你又不是預言家，個天要你破財，你逃得掉嗎？

其實，認真的，甚麼流年運程，我覺得都只是提醒我們要注意自己的言行舉止生活習慣。麥師傅要大家小心惹官非，是要我們慎言，因為禍從口出，蘇師傅叫大家洗牙捐血化血光之災，其實是要我們注意身體關心其他人，全部的趨吉避凶都不是因為犯太歲才要記得做的事！

踏入虎年，無論你是犯太歲與否，都要洗牙捐血小心說話小心錢財！恭喜

恭喜！

時裝設計師