自古相傳「年廿八洗邋遢」，有車一族點忙都好，當然不能錯過這個跟愛車洗白白的機會。與其去洗車屋大排長龍兼幾百蚊落樓，倒不如親自動手，老土講句，無論是家居也好、車廂也好，保持清潔人都更醒神健康。

洗車要注意

別以為洗車是大工程，其實1小時左右便可完成，既可節省金錢，亦可以當做運動，好過你去Fitness Centre！不過洗車都有幾項事情要注意，首先就係唔好隨街傾倒污水，以免影響其他道路使用者，而且更有機會被檢控；另外更加唔好隨街泊車造成阻塞。至於水桶、毛巾及清潔劑等，當然要早早買定啦！

清潔軚環可用清水，但若屬真皮軚環，就最好使用皮革清潔劑。	在拭抹皮椅前，先用微濕毛巾去塵，可避免刮花座椅。	清潔車廂最好還是二人合作。

車身篇：跟次序免刮花

汽車無論是停泊在室內或室外，車身都布滿灰塵，若直接以濕布拭抹便會刮花車身，所以應先以「雞毛掃」去塵，之後將車身淋濕，再用稀釋清潔液以海綿或濕布在車身拭抹，去除較深層的油漬及污垢。最後以清水清洗車身，再以乾布以同一方向抹乾。

皮革保護噴劑 $65 簡單噴於皮座上可具保護作用，並保持皮革柔軟度及防止龜裂；備有3種不同香味。	強力消臭劑 $58 冷氣將汗水蒸發後沾滿車廂表面，如若在車廂內吸煙，車廂異味更會揮之不去，將消臭劑噴於車廂內，可消除異味。	珍寶珠形香精 $55 這款珍寶珠香精外形有趣，而且備有多種味道，增添氣氛。

車廂篇：消除細菌異味

近年流感肆虐，車廂清潔更形重要，簡單如座椅、冷氣風口及中控台等，都可能會沾有蒸發後的汗氣，長期積聚便會孳生細菌；另外，地氈必須取出車外清潔，最好可將之清洗。不少車廂清潔及辟臭用品都使用簡單，部分香精更款式特別。

高級抹車布 $125 洗車後車身滿布水點，用一般毛巾拭抹實在費時失事，用這種快速吸水布會事半功倍。	輪圈清潔噴泡 $58 先以清水沖洗輪圈，再將清潔泡噴於輪圈表面，待數分鐘後用盒內海綿拭抹並以清水洗淨即可。	二合一車身清潔劑 $65 適合深色車身，分量只需用兩瓶蓋開一桶清水，以海綿拭抹車身，再用清水沖洗便可。

撰文：林健森、鄭浩文　攝影：梁偉德

洗車身第一步，先用雞毛掃除塵 。

輪圈清潔劑可令表面更加光亮。

汽車提供：Motor Image（2511 2727）　產品查詢：2392 4244

模特兒：Colin、Serena（Talent 100）