賀年全盒是新春佳節的必備擺設，但盒內的美食不是油分高就是糖分高，叫人又愛又恨。有冇想過以黏土自製瓜子、煎堆、糖椰絲作為賀年擺設？擺得耐唔怕壞，睇得多又唔會滯，仲可以同小朋友一齊做吓手工，練練耐性。據活力教育中心導師Sandy表示，用黏土製作迷你賀年食品，步驟簡單，只要畀啲時間，人人都做得到！
迷你糖椰絲
1把白色顏料加入黏土搓勻，然後取出小量黏土，再用壓板把黏土壓平。
2待乾後，用剪刀把黏土剪成條狀。
3把黏土置於兩手掌心之間，互相摩擦，輕輕搓成卷曲狀。
4把黏土放入膠杯，加入爽身粉，搖晃膠杯，使黏土表面沾上爽身粉，即成！
袖珍瓜子
1取出適量黏土，加入白色、土黃色和啡色顏料，搓勻成淺啡色。
2取出小量，先搓成水滴形。
3把黏土按壓於沙紙上，待乾後取出。
4用Marker沿邊畫一條黑線，即成！
小貼士：選用日本牌子的Marker，冇咁易變色架﹗
縮水煎堆
1取出小量淺啡色黏土，放在左手掌心，用右手食指搓成圓球。
2用大頭針拮着黏土，沾上白膠漿。
3最後把黏土沾滿罌粟子，待乾後，便可。
邊度有得學？
有興趣自製一個迷你全盒，參加由活力教育中心開辦的課程——「新春發財禮盒」，就有專人傳授DIY秘笈，日期、時間可自選，費用$388（兩堂共4小時）。
查詢電話︰3157 0818
撰文：周芷鈺
攝影︰郭凱敏