每逢年尾又是樂壇開始派發成績表的時候，跳舞女子組合HotCha前日就特地為出席各個頒獎禮揀選戰靴，她們的形象指導張學潤（Nelson）特地同行。

眾人於鞋店Rockport內細心挑選，Nelson不用半分鐘已為Regen、Crystal和Winkie揀了一款高踭長Boots及一款高踭毛毛短Boots。Regen最愛高踭鞋，她說：「我鍾意至少四吋以上嘅高踭鞋，因為我本身唔高，着咗會令整個人拉高咗，線條都靚啲。」不過Crystal和Winkie卻異口同聲表示揀鞋最緊要穿得舒服，她們說：「因為平時工作成日要着高踭鞋，有時着一個騷已經好痛，唔使開工時想着番啲舒服啲嘅鞋。」

而Nelson揀給她們的戰靴就照顧了三人的需要，他說：「佢哋成日要跳舞，普通高踭鞋唔得o架，會着到對腳好痛同埋好易傷腳，咁後生就傷咗對腳第時就手尾長喇，我要揀啲健康啲嘅畀佢哋，呢個品牌啲鞋就可以保護到佢哋對腳，就算高踭都着得好舒服。」