楊愛瑾昨日出席假銅鑼灣JFT旗艦店舉行《Majolica Majorca 09-Mademoiselle Midnight黑夜光芒》記者會，她透露已接拍港台電視劇，飾演弱聽人士，坦言是大挑戰，她解釋︰「嚟緊兩個星期就開拍，劇中我要潛水，我好緊張，因為我唔識游水之餘，天氣又凍，我怕冷親。除咗潛水外，我又要跳Jazz，之前我已經上咗一堂跳舞課。（酬勞OK？）唔好講錢，我覺得經驗比酬勞更重要。」

楊愛瑾又表示自己現在仍然單身，還希望今年聖誕可以在工作中度過，她說︰「我好鍾意聖誕節，用嚟陪朋友同屋企人，我年年聖誕都會開party，但今年我就希望有工開，因為工作緊要啲，我唔想因為去玩而錯失工作機會！」