趙雅芝昨日以樂施大使身份出席中環舉行的「名牌義賣周」活動，還捐贈五件服飾包括Chloe手袋與Armani長靴作義賣，她說︰「我希望大家將唔會着嘅服飾捐出嚟，可以幫到有需要嘅人外，仲可以響應環保。(你有冇去偏遠地方探訪？)我以前拍戲已經去過好多偏遠地方，我希望將探訪機會畀娛樂圈新人。而我囝囝都受我感染，有做義工。」
問到最近忙甚麼？她坦言等待好的劇本出現︰「我有戲癮，而且好劇本難求，拍戲定拍電影都冇所謂，只要劇本好就開心。(劇本重要過片酬？)如果劇本唔好，片酬多都冇用﹗（無線有冇搵你傾？)有傾過吓，但時間唔啱！」此外，義賣物品當中包括胡杏兒捐出的冷帽及張繼聰的電結他等等。
