名模諸葛梓岐（Marie）和Neway太子爺薛嘉麟一直低調拍拖，前晚兩人卻為慈善公開十指緊扣現身，表現恩愛。而Marie被問到會否學千　即興結婚，她即耍手擰頭說：「一定唔會即興。」

Marie和薛嘉麟常被拍得恩愛拍拖，但談到感情事Marie也是點到即止，前晚她卻少有地拖男友公開現身，十指緊扣出席於中環大會堂舉行的《MOM兩地一心弦動心靈慈善音樂會2009》，同場還有林莉及張學潤等。Marie和男友到場時大方合照，且手牽手兼形影不離。當Marie接受訪問時，薛嘉麟低調地走到別處等候女友，而他中指戴有戒指，疑似是訂婚戒指。

疑似婚戒。	早前楊千嬅與丁子高即興結婚，但Marie拒絕效法。（資料圖片）	林莉以高貴打扮現身，但被諸葛梓岐搶盡風頭。

夏威夷過聖誕

一副甜蜜樣的Marie，問她是否有結婚計劃？她即怕醜地說：「冇呀，今晚我哋係嚟支持善事。（男友求咗婚未？）哎吔！我唔知，你哋問佢啦！」

Marie透露會和男友到夏威夷過聖誕節，至於屆時會否效法楊千嬅即興結婚？她即說：「一定唔會即興，唔可以咁。（同男友過第幾個聖誕？）叫做第二個，舊年大家係同一班朋友過，當時仲係朋友。（想佢送咩聖誕禮物？）哈！我想收一棵至少高過我、掛滿麵包超人嘅聖誕樹！（依家拍拖同工作邊樣緊要？）支持佢工作係我嘅工作，同樣佢都支持我工作。」

幫男友打圓場

而本來婉拒受訪的薛嘉麟，被問到所戴的是否訂婚戒指？他即怕醜地說：「唔係。（Marie係咪你結婚對象？）唔好意思，我唔接受訪問。」在旁的Marie即拖着男友幫手打圓場說：「唔好意思，佢唔想做訪問。」

文：名人組