久未露面的黃伊汶（Emme），花了半年奪得意大利腕錶品牌GALTISCOPIO代理權，未來將會演藝界、商界兩邊發展。Emme謂在一次機緣巧合下發現此品牌，其後愛不釋手，花了不少心機才獲得品牌亞洲區的代理，她說：「呢隻錶以fashion為主，但佢嘅設計好得意，有個木馬喺錶面上，若隱若現見到時間，我覺得個concept好好，我成日覺得啲人好趕時間，大家好似畀時間綁住。而隻錶反而畀我感覺係人要去享受時間，唔係吓吓都要快，有時要慢番啲落嚟，享受一吓。」

談起腕錶的外形，Emme大讚說：「個外形好立體，而且佢哋嘅系列全部都會有玩具喺錶面上，好有童真，帶畀人好開心嘅感覺。」

La Giostra I（童真的木馬 ）系列腕錶　$8,800

Emme將演藝界、商界兩邊發展。