原來一年真的好快過，眨下眼已經一年了……

仍然記得上一年，為一間唱片公司的十幾個歌手同十幾廿個足球員做賀年的形象，一年之後，又來了！不過今次是第二間唱片公司，今次是三十四個藝人，認真人才濟濟！一二三四五六七八線的藝人都有，再加一個做到黐咗線的形象設計師！黐線！

做一大班人的形象，是一件好開心好興奮的事，因為每一個藝人都散發着自己的個性、獨有的感覺、估不到的魅力……自己在場看着他們一個個，就好似看着American Next Top Model個比賽一樣，大家都使出渾身解數，務求要自己在眾人當中發熱發亮！

其實幾十個藝人要影賀年造型，對於一個形象設計師來說，都可以話係幾大鑊！因為個個形象都要有分別，男的不是個個都着唐裝衫，女的更加唔可以個個都是小鳳仙，每個人都一定要有少少唔同的心思設計在其形象當中，諗爆頭！三十四個，認真唔係講笑！

當然，今日我只可以透露咁多，都未到新年，如果大家想睇下的話，真係要等下啦！請大家拭目以待啦！恭喜恭喜！

時裝設計師