24/10/2009

韓流護膚堅

經過一輪B.B.Cream攻陷港女所帶起的韓風潮,加上產品價錢大眾化、多選擇,而功效又不俗的優越條件,讓韓式扮靚品風頭蓋過美容先鋒日本。食正呢條扮靚路,以網上拍賣起家的韓潮館,專攻未入主本土的韓國美容品牌Etude House及Innisfree,以跟當地差不多的售價及大包圍的種類迷倒港女。

韓人地膽當買手

隨着港人的健康意識抬頭,天然成分的護膚品亦成為現今扮靚的風氣,韓國品牌順理成章成為美容界的後起之秀。韓潮館的夫妻檔老闆Gim和Adie,因為Gim是韓國人的關係,不少未被引入的韓國品牌也能於店舖中找到;當中以價廉物美且具備多個不同系列的Etude House及Innisfree大受歡迎,例如為成熟肌膚補充骨膠原的Etude House Collagen Moistfull、啱晒青春期女生的Etude House AC Clinic防暗瘡系列,不過數最人氣的莫過於由宋慧喬代言的Innisfree Olive系列,滋潤又補濕,Fit晒轉乾的秋冬季!最重要係價錢由七十多元至二百多元不等,難怪深受學生、家庭主婦或OL歡迎!

捧韓有理

Jessica 大學生

推介產品:Etude House O2 White美白Mask $130/100ml

「經一位韓國朋友推介我用Etude House呢個牌子,用咗一個多月,發覺皮膚適應到兼感覺舒服,一星期一次已經見到膚色均勻光澤了,最Buy佢成分天然,價錢唔貴,美白得來又唔會令我有敏感情況出現。」

阿怡 學生

推介產品:Innisfree Whitening Effect Stretch Mask $28/塊

「補濕唔錯,面膜設計好貼,能夠令皮膚完全緊貼面膜吸收精華,加上精華液杰身,不會發生一邊敷一邊滴的情況。另外Innisfree Water in Mask夠滋潤,上妝前敷能令妝容貼服,效果持久。最鍾意韓國牌子夠多系列,且配方適合亞洲人使用。」

Bonny 家庭主婦

推介產品:Innisfree Perfect Repair Eye Cream $330/30ml

「眼部一向有浮腫及幼紋的問題,之前試過韓國牌子的產品覺得效果不錯,經Adie介紹下用Perfect Repair Eye Cream,發覺質地清爽快吸收,去皺去浮腫功效顯著,最緊要係價錢比日本牌子平,且成分天然,是我撐韓牌的主要原因。」

撰文:黃佩琪

攝影:陳富權

查詢電話:9043 8066