汪詩詩和汪圓圓早前一起穿上性感晚裝拍攝時裝宣傳照，當中圓圓一埋位即被同場一名外籍男模攬實，令她緊張出汗，而已為人妻的詩詩亦要與男模作狀親熱，表現緊張的她更要妹妹從旁教路。

時裝設計師何國鉦（Dorian）將於明天（25日）以「Diva Golden 80's」秋冬系列參與Mastercard Luxury Week，早前就邀請詩詩和圓圓兩姊妹穿上Dorian Ho Collection預演八十年代的名模、歌星和優皮一族的裝扮。

詩詩唔慣面對鏡頭

雖然詩詩以前曾做過模特兒，但卻不太習慣面對鏡頭，幸有圓圓為她壯膽及從旁指導，詩詩亦慢慢熟習過來。圓圓說：「家姐睇住我化妝時，見佢個樣已經好擔心，唔似平時嘅佢，擺甫士唔夠放，平時係佢教我嘢多，今次輪到我教番佢轉頭。」

Dorian特別找來三名男模作陪襯，卻令兩女加添壓力，圓圓笑說：「有個外籍男仔一埋位就攬住我，嚇到我汗都出晒，家姐仲唔慣，我都驚姐夫見到啲相會問：『呢個係邊個嚟？』（甄子丹會呷醋？）可能會，姐夫傳統觀念好重，未必習慣家姐同其他人合作。」

生完B又fit又靚

不過，圓圓就大讚男模中有一名「中國男仔」表現斯文又怕醜，原來這名怕醜仔是Dorian好朋友的兒子，名叫Jonathan，剛從三藩市放暑假返港，身材高人一等的他更有望加入模界。Dorian表示安排三男模扮演樂手，來陪襯詩詩和圓圓的女神形象，他又大讚詩詩的表現給予他驚喜，表示：「初初都唔知道詩詩以前做過模特兒，佢生完BB後身材好fit，好靚，兩姊妹好合拍。」

相片提供：Gordon Lund@rost production

文：名人組