諸葛梓岐近日負面新聞不絕，近日有指她因身世不明而未能加入名人二代的「百仁會」，昨日伊人接受電話訪問時，怒氣沖沖說︰「今日有朋友打畀我講呢單新聞，我都唔理。所有嘢成日用盛傳，盛傳就唔需要回應。唔明點解咩都係我，佢哋適合做編劇家，得啖笑，（你身份係一個謎？）黐線，無聊到爆炸，我唔理啦，鍾意寫咩就寫咩，總之寫得唔啱我就會告佢。」

報道又指傅明憲與巫翊鳴夜蒲的消息是由諸葛梓岐爆料，諸葛梓岐表示跟傅明憲並非相熟，故不會回應。問她是否想加入百仁會跟菁英會？她謂：「兩個會最主要係做善事，我有個善心去做，唔一定亦唔需要加入呢啲會。」百仁會秘書潘小姐亦謂報道不可信，但不方便透露諸葛梓岐是否會加入。