歷史悠久

數到單車界嘅盛事，大家一定會諗起一年一度嘅環法單車賽，睇住咁多位單車手你追我逐的確係精彩刺激。不過，若果論睇頭，咁就真係唔夠美國一年一度嘅橫越愛荷華單車賽（RAGBRAI）喇！呢個單車賽將會喺今年7月19至25日舉行，到今年為止已經係第37屆，歷史相當悠久。主要賽程由愛荷華州西面去到東面，全程約為472公里，由於路程太長嘅關係，所以需時七日，參加者沿途可以搭起帳幕露宿，亦可以到各種大小旅店休息。

雖然單車賽咁係辛苦，但係每一屆都吸引到成萬人參加，陣容絕不遜於環法單車賽。點解吸引到咁多人參加呢？主要原因係此賽事其中一個目的正係籌款，善事梗係多人支持。另一方面，亦有好多參加者將單車賽當成一個大型派對，因為為期七日嘅賽程當中，每晚都有好多人聚集，包括參加者以及當地居民，方便飲酒作樂，溝仔溝女，有運行嘅朋友甚至可以利用個人魅力令當地嘅姑娘答應借宿一宵添！

露胸激勵

既然呢個單車賽其中一個目的係籌款，當然有好多善心人參加啦！雖然係咁，善心人都有正經同唔正經之分。正如前文所講，有好多人將呢個賽事當係一個大型派對，所以參加者只有少數係正牌單車手，絕大部分都係爛玩愛蒲之士，所以，無論車群去到邊，沿途都有極之值得駐足欣賞嘅「美景」！例如，車手們休息過後，又再準備開始第二日嘅旅程之時，有不少女車手為咗令大家精神一振，不惜拉起恤衫，露出驕人雙峰，令男車手們個個都睇到熱血沸騰，勢必將潛能激起，順暢地完成該日嘅旅程！

此外，7月乃係炎炎夏日，喺戶外踩單車，足以令人瞬間體溫上升，再曬耐少少，分分鐘中暑都有份，所以，車手不時會作中途休息，搵樹蔭抖吓涼。不過，抖涼又點及得上沖個涼咁消暑呢？旅程當中，車手都會途經當地嘅河流同湖泊，天氣咁熱，梗係要落去浸一浸，順便沖個涼啦！呢個時候，大家會發現不論男女都會剝晒衫褲衝落水，呢個亦係一個𥄫嘢嘅好時機！

體力旺盛

經過一日辛苦嘅單車旅程，雖然中途可以抖吓氣，但係正常人應該覺得體力透支，恨不得即刻攤落床大覺瞓！不過，參加呢個單車賽嘅朋友就唔係咁諗喇！因為，車手中有不少外地來客，人生可能得一次嚟到愛荷華，欣賞當地嘅風土民情，所以夜晚大家搵好地方休息之後，呢班外來客以及當地愛玩之士就會聚埋一齊，合作大搞戶外狂歡派對！一邊喪飲，一邊跳舞，最重要都係攬番兩個女仔一齊玩，真係夠晒體力旺盛！

而佢哋溝女嘅方式都幾特別！不過一樣係靠把口！為咗紀念佢哋到此一遊，大會提供好多貼紙畀車手們貼到身上，同時亦可以貼到接待車手們嘅當地人身上，呢種貼紙特別之處在於一定要濕咗水先可以貼到，所以佢哋就想出一個新奇玩法，就係發現目標，再同目標溝通一輪，有番咁上下感情之後，車手就會啜一啜對方露出嘅身體部分，令其表面濕透，再用把口咬住張貼紙貼上該部分！仲會用條脷撩到多幾下去壓緊張貼紙，動作實在極具挑逗性，唔怪得好多車手都唔帶帳幕參加啦！因為咁挑逗法，不知幾多當地女仔中招，要借佢哋間屋住一晚一定冇問題啦！

撰文：賢