本文重點
用七百多元買個「入門級」耳機抵唔抵？假如大家睇吓又聽吓Shure新出的隔音耳機SE115，或都會覺得物有所值。Shure更首度為SE115推出4種不同顏色版本，據講係專攻潮女市場，想送生日禮物畀女友又多個選擇！
備黑、紅、粉紅及藍色
唔計顏色只從外形去睇，SE115其實跟剛停產的SE110好相似，哪新耳機會唔會只係舊型號的「彩色版本」咁簡單？Shure就好肯定話唔係，耳機的技術都有作出改良。SE115畀人第一個感覺係夠晒「好色」，以往幾款SE系列耳機都離不開黑同銀，之後雖有出過白色，但就以今次用色可謂歷來最大膽，除大路的黑色外，還有紅、粉紅同藍色，明打年輕人市場，而且七百多元售價都係後生仔女可以負擔的
範圍。
體積更細音域全面
SE115其中一大強項是用上改良了的第二代動圈式微型揚聲器，優點係中音細緻外，低音部分更強而有力，音色更暖，相當適合聽流行曲；而且其體積比起同類型揚聲器更細，戴得耐都唔易疲累。另外，值得一提是隔音效果做得相當唔錯，可以隔絕周圍環境的大部分噪音（官方數字約為90%），實試效果十分理想，試用時身旁有行家不斷同我傾偈，完全一句都聽唔倒。
SE115跟機配件豐富，既有
3呎延長線外，還提供大、中、細碼的黑色海綿同柔軟彈性耳筒套可供替換，對於經常唔小心丟失耳筒套的用家，就最好不過。
撰文：布偉倫
攝影：陳世昌
查詢電話：2893 0411