咪食生蠔Jayden James
西方人認為生蠔有助提高性能力，基於生蠔中嘅蛋白質及鋅含量特別高，而此兩種成分可增加男性賀爾蒙激素。同時，生蠔亦含有十餘種氨基酸，營養豐富，加上生蠔卡路里含量為零，亦成功獲得唔少愛美女士嘅歡心。
雖然食生蠔有咁多好處，但脫星Jayden James反而強烈建議大家唔好食咁多，究竟點解呢？佢解釋：「當你品嘗美食嘅時候，有冇諗過已經破壞咗生態環境？其實蠔、貝殼類等嘅海鮮食品，係唔少動物嘅主要食糧，人類大量捕捉就會影響生態平衡。而且野生蠔味美，但細菌特別多，食咗隨時中招，同時每四隻生蠔就有46~50毫克嘅膽固醇，含量比肉類仲要多，若有心臟病或高血壓嘅人士食得太多嘅話，肯定令病情變得更嚴重。其實，除咗生蠔之外，仲有好多有益壯陽嘅食物，未必一定要食生蠔啫，係咪？」
Jayden James Profile
出生日期：1986年2月13日
身 高：5呎6吋
三 圍：36、26、36
環保大床Andie Valentino
雖然唔少外國人都唔介意出外野戰，但鍾意喺屋企嘅睡床上面玩嘅朋友都唔少，貪佢夠舒適，而且玩乜嘢招式都得。好似脫星Andie Valentino，就最鍾意喺床上面玩喇！據講佢近日搬新屋，特別請咗幾日假去購買新傢俬，仲話要買番張既實用又環保嘅大床，究竟乜嘢床先算係環保？
佢話：「好多人去傢俬店買床嗰陣，甚少會留意木材嘅來源，其實咁做真係好唔環保，事關好多木製品嘅材料都有可能係嚟自瀕危樹種，以及涉及非法砍伐嘅木材，建議大家買床嗰陣，不妨問吓個Sales，所買嘅咪經由森林管理委員會（FSC）認證嘅木材產品，玩得開心之餘，又可以為保護地球上僅存嘅原始森林出一分力，可謂一舉兩得。」Andie又話，現時地球上嘅森林已經愈嚟愈少，動物失去棲身之所，人類都會唔掂，只有罷買來歷不明嘅木材製品，令啲不法商人冇晒符，環境先可以得以改善。
Andie Valentino Profile
出生日期：1988年2月1日
身 高：5呎5吋
三 圍：34、25、35
不用潤滑劑Keri Sable
每個女性體質唔同，體內分泌亦有所分別，為免因乾涸而整親，有啲人會用潤滑劑增加濕滑程度。此外，亦有唔少男性喜愛仿傚成人電影情節咁，利用大量潤滑劑去玩濕身遊戲。雖然感覺非常過癮，但原來部分潤滑劑係極之唔環保嘅產品，所以脫星Keri Sable就絕對唔會用佢喇！
Keri Sable話：「或者大家唔知道，其實好多潤滑劑都係石油副產品，不但有毒，石油開採及運輸過程更會對生態環境造成影響，為咗下一代有更美好嘅將來，我哋都唔應該再用呢啲產品，取而代之，可以用一啲天然物料製造嘅潤滑劑，但我建議大家一個更好嘅方法，就係喺前奏時，男方可多為女方服務，當女性感到興奮，自然會刺激分泌，到時就可以玩得更順暢啦！」Sable又話，有啲女性嘅敏感部位長期乾涸，可能係身體出現毛病所致，應該及早去求醫。
Keri Sable Profile
出生日期：1986年4月28日
身 高：5呎6吋
三 圍：34、23、33
撰文：娟娟