本文重點
五年前，黃婉伶（Race）挾偶像組合之名跳入電影圈，拍攝處女作《死亡寫真》獲得新人獎提名，演技初獲肯定。但拍了幾部電影後，卻成唱片公司棄將，發展未如理想。今年她終於再憑《性工作者2我不賣身‧我賣子宮》演活一個為爭居港權的潑辣大肚婆，令她獲得香港電影金像獎「最佳女配角」提名。
Race說：「今次嘅對手更加專業，有提名已當進步，加上我哋部戲唔係大製作，事前根本冇諗過。上次提名好多人都話睇好我，點知最後輸咗。我同自己講，大家都支持我，好過贏咗畀人話唔係實至名歸。好多人問我幾時再進軍女主角，我覺得拍戲好睇緣分，逐步逐步嚟，自己可以努力多啲。」
做足功課 免被睇小
初演《性》片時，因Race知道經常要與好戲之人黃秋生做對手戲，好勝的Race不願被睇小而事前做足功課。她說：「拍第一場戲之前我做晒功課，背晒自己所有對白，秋生亦點頭，仲同我講要演就要放，一收就唔知似乜。好彩冇累到大家NG，自己個心都定晒。」
服裝：CABANE de ZUCCA
髮型：Tavin Liu @ Hair Culture