撰文：小德
無理壓榨
負責搞呢個派對嘅，係美國一間專門籌辦大型派對嘅公司，照計大雞唔食細米，但原來佢哋老闆個舅仔，啱啱讀完書冇嘢做，入咗姐夫間公司，於是提出呢個構思，因為係「黃馬褂」提出，於是撥個小組負責去搞。
而呢個小組組長，自然係老闆嘅舅仔阿當，阿當話：「我自己好少玩一夜情，但我啲同學就好熱衷，記得讀書時，佢哋隔晚就去，每次去親都要拉埋我去，但我唔怕話畀你聽，我去親都無功而回，係晚晚食白果嘅人。」
咁又係，阿當副尊容，真係要執吓至有女仔吼佢，再問佢點解要搞一夜情派對呢？阿當話：「我覺得呢啲club收費太貴，飲一杯啤酒，一般酒吧收費十蚊八蚊，但去到呢啲club就要收三四十蚊，你話係咪等同搶錢吖，我就畀佢哋搶咗唔少！」
阿當繼續：「有運行嘅當然覺得值，但我就覺得好唔抵，你試諗深一層，所有囡囡都係自發出現，又唔係個場安排嘅，佢憑乜嘢收咁高嘅費用吖？我覺得好冇道理，好想搞一種公道啲嘅派對嚟幫呢啲老友。」
網上宣傳
於是阿當就諗到以私人派對嘅形式嚟搞，票價只係出面一至兩杯啤酒嘅價錢，就可以玩足成晚，而且宣傳嘅時候已經講明係「一夜情派對」，所以嚟親嘅男女，都知道發生乜嘢事，更唔會好似喺club咁撞到一鼻子灰嘅情況出現。
阿當話：「我哋最傷腦筋就係做宣傳，由於事前資料搜集做得少，我當時只同啲同事衝去啲club裏面派傳單，唔少正當人家，一睇見『一夜情』三個字就將傳單搓成紙球，兜口兜面掟過嚟，其實畀人掟都係事小，最嚴重係畀保安追住嚟打。」
梗係啦，喺人哋地頭派傳單拉客，唔打就奇，阿當話：「由於開派對嘅時間好快就到，但係我哋嘅銷情就未見起色，心諗今次實畀姐夫炒魷，呢個時候我大學嘅朋友打電話嚟問我，點解佢上開嘅一夜情討論區，唔見我個派對嘅消息。」
阿當得意地說：「我問佢有乜嘢討論區？佢即時數晒出嚟，原來佢哋有自己嘅討論區，經常互相報料，於是我就化四五個名，日日登上去討論區，吹自己嘅派對有幾咁好玩，同出面去club玩有啲乜嘢唔同，經過我多日嘅努力，啲飛轉眼賣晒。」
保證有下文
飛就賣晒，個派對最後點先？阿當牙擦地話：「當然掂啦！我搵咗一間私人豪宅去搞，家陣租呢啲豪宅，真係平過租的士高，而且客人一望地址知道係豪宅，心理上都覺得high啲，我再搵唱片騎師現場打碟，單係音樂部分，已經攞晒滿分。」
地方夠大，有三五知己嘅，就可以霸個廚房嚟玩，玩到幾癲都得。鍾意靜嘅靚女，又可以出花園坐吓，等啲靚仔過嚟兜搭，真係想點玩都得。當酒飲得差唔多，男仔就會採取行動，揀啱靚女就拉埋一邊跳吓舞或者吹吓水。
兩情相悅，就可以覓地開戰，如果情到濃時等唔切，喺阿當嘅豪宅上客房搞埋都得，絕對不另收費，係咪照顧得好周到呢？阿當事前仲計過，客人男仔比較多，怕啲女唔夠分，佢仲call定應召公司搵囡囡嚟客串，保證大家都有下文。
最後反應好到不得了，除咗喺討論區有讚無彈之外，仲有唔少人打嚟阿當公司問幾時會再開第二次，阿當即時威晒，公司冇人敢再睇佢唔起，但阿當最開心嘅，就係可以打破玩一夜情畀啲club無理壓榨嘅情況，所以做好心，真係有好報㗎！