本文重點
林家棟憑《葉問》獲提名香港電影金像獎「最佳男配角」，因拍攝前未想過有機會獲提名，令他大感意外。今屆男配角對手實力強勁，分別有張豐毅、周星馳、廖啟智及樊少皇，令人替他感到有點「生不逢時」。家棟說：「我冇咁諗過。對手個個強係事實，但三代同堂同場較量，我已經覺得冇輸到。張豐毅嘅《駱駝祥子》已經睇佢，廖啟智就係《上海灘》時代，周星馳唔使講添啦，係同樊少皇差唔多同期。」
不妒忌甄子丹
雖然對手強勁，但家棟未有因此而輸了信心，他說：「你問我想唔想攞（獎），係想嘅。但問我有冇信心，就一半一半。」家棟入行八年，與同期訓練班同學甄子丹合作《葉問》，結果對方獲提名今屆男主角，自己則是配角提名，他坦言沒有因此感到心酸。他說：「我冇呢種感覺。佢由第一日已經係好打㗎啦，我遲佢六、七年先拍電影，各有各長處。」
場地：銅鑼灣世貿中心WildFire
髮型、化妝：Jessica Yuen @ Oasis Salon