日前睇咗一篇關於美國第一夫人奧巴馬太太米歇爾的衣着評論，呢位第一夫人被視為美國女性新典範，富時尚潮流觸覺，原因得一個，皆因呢位第一夫人，夠平民夠親民，佢，選擇唔着佢先買得起的超級貴名牌，佢，選擇着你同我都會買同買得起的牌子，H&M你有買過㗎啦？GAP你有着過㗎啦？
我好佩服米歇爾，我好佩服呢位第一夫人。第一，我佩服佢夠膽着得平民，第二，我佩服佢選擇親民，認真的，你試諗吓，貴為美國總統個老婆，出席公開活動，人人都對你評頭品足，如果你第一個印象畀人是老土是低檔，你之後的日子都幾難捱，因為就算你選擇着番名牌子或者着番著名設計師的設計，都一樣死，咁樣做只會畀人話你一啲時裝觸覺都無，一味將啲名牌撻上身！大家都好明白，人係好尖酸刻薄，尤其是對批評名人的衣着服飾，真的可以踩到你企唔番起身……點解？呢個就是時裝世界囉！你都應該有睇過《穿PRADA的惡魔》呢套戲㗎？真係唔使再解釋。
因為米歇爾令我想起一個人，葉劉，如果我無記錯，當年佢都是選擇恤髮恤得平民，去坪石恤髮。
時裝設計師