日前出席Chocolate Rain在時代廣場的藝術展揭幕，很開心，因為如果大家有行過時代廣場的話，都應該見到好多大菇菇，而大菇菇的頂部是由布造成，而呢個大菇菇布頂的布是由小弟贊助的！好靚呀！
其實認識Chocolate Rain只是上一年的事，不過出奇地啱嘴形，可能大家都是不言敗不輕易放棄，對藝術對設計對創作充滿熱誠的人，所以一見到面已經雞啄唔斷……呢個世界就是這樣，有啲人你一見面就會好投緣，有啲人你一見面就會覺得乞你憎，好邪！無得解釋，只可以話人夾人緣。
我好佩服Chocolate Rain，認真的，一個女仔一手包辦所有在場的展品，全部都是親手做，一針一線縫出來，我真係唔係呃你，Chocolate Rain早喺12月聖誕嗰陣已經開始縫緊……縫咗四個月……今次展覽全部是Chocolate Rain的心機。
香港人梗係要撐香港人，尤其要撐本地藝術家設計師！如果連自己人都唔撐自己人，咁仲有邊個會撐你！
時裝設計師