絲絲講場：港交所前公關一姐過檔領展
香港交易所（00388）前公關一姐企業傳訊主管陳涓涓（Lorraine）去年八月尾離職，佢休息咗幾個月之後，依家有新動向，佢將會過檔領展房產基金（00823）出任企業事務及市場推廣總監。
舊年美國進修兼充電
Lorraine去年尾去咗美國讀咗個短期課程，充完電返嚟，決定再開展人生事業上嘅「下一站」。以市值計，領展現時係全球第二大房產基金，新工絕對係富挑戰性！
佢喺香港交易所工作咗成廿年，處理過多個大Project，離職之後自然大把人向佢招手，點解佢最後會喺云云選擇中揀咗領展呢？
絲絲相信佢係想進入不同嘅行業，有新嘅視野、歷練，同擴闊眼界，希望佢再闖事業高峰！
余絲韻