小米集團（01810）創始人雷軍與格力電器（000651.SZ）董事長董明珠喺一三年十二月十二日許下嘅「十億賭局」快將結束。而根據雙方正式公布嘅今年首三季財務數據，格力首三季營收約1,487億元（人民幣‧下同），而小米同期營收約1,305億元。
即係話，格力比小米營收高出182億元。咁睇，格力已勝利在望！
事實上，綜合內媒分析，兩家公司第四季表現都各自存在不利因素，包括智能手機行業增速放緩，小米集團銷售額恐怕季內難有爆發式增長；而格力電器嘅冷氣機季內亦有可能受內地房地產成交跌（但分析指影響通常會滯後半年）同埋冬天銷售淡季嘅影響。
或許要到一九年，小米超越格力嘅可能性會大得多。奈何，賭局淨係去到今年十二月。
余絲韻