今年初，碧桂園（02007）前任CFO吳建斌出咗本書爆大鑊，碧桂園主席楊國強有咩感想呢？
吳建斌本新書叫《我在碧桂園的1000天》，書中透露咗唔少佢喺呢間內房龍頭任職三年幾嘅嘢，仲大爆老細，即係公司主席楊國強對人自稱「瘋子」。日前碧桂園業績會，大家梗追問楊主席點睇呢本書呢？
答案係，本書楊主席想睇都睇唔到，佢仲竟然同大家講：「你哋買到就送本畀我啦！」
亦難怪佢咁講，聽聞本書預售時已經斷過貨，賣到斷晒市之餘，炒價甚至高達5,000蚊人民幣！聽到舊老細咁呻，吳建斌識做啦！
余絲韻