絲絲講場：華為孫亞芳出位因夠狼？

膺中國商界一姐

呢個排行榜係以中國商界女高管所執掌公司嘅營業規模、質量、管理人數、外界影響力等為衡量指標，採取量化嘅方式對佢哋進行排名，所有上榜嘅商界女性所管理嘅公司，總市值都超過7萬億元人仔。

名列第一位嘅係華為董事長孫亞芳，佢作為華為營銷團隊嘅締造者，福布斯中國就形容：「孫亞芳建立咗華為嘅『狼性銷售』模式同埋嚴格嘅人力資源體系。佢喺商場上運籌帷幄嘅表現唔輸畀男性，能夠以女性嘅細緻，以及不斷精益求精，奠定華為喺中國通信製造業龍頭老大地位。」

搶人才壯大團隊

的而且確，華為人喺內地商界就被形容為一群眼睛泛着綠光嘅狼群，佢哋瘋狂掠奪人才，因而形成咗一支既龐大又高質素嘅戰鬥團隊。而作為狼群首領嘅孫亞芳，今次獲得《福布斯》嘅嘉獎，唔通就係因為佢「夠狼」？

余絲韻