絲絲講場：華新首日掛牌 「袋袋平安」夠意頭

華新手袋幫客整開手袋，送禮就梗係Sell番老本行啦，公司特登整咗一個「限量版」手袋作為紀念品送畀港交所，唔知係咪寓意「袋袋平安」呢？袋上面仲印咗佢哋公司個上市股票代號，唔使講梗係獨一無二，世上搵唔到第二個o架啦！

每手帳面微賺60元

雖然華新手袋受散戶追捧，公開發售超購239倍，尋日股價全日微升，以1.21元報收，較招股價1.18元高出0.03元或2.54%，每手2,000股帳賺60元。

提到手袋，各位女士最關心的當然係價錢，華新手袋執行董事兼行政總裁馬慶明就預計，今年非皮革原料價格平穩或輕微上升，如果原材料加價，成本都會轉嫁畀客戶。

同華新手袋一樣，今個月中掛牌的手袋股森浩集團（08285），公開發售超購逾200倍，掛牌首日股價亦僅升逾1%。

余絲韻