亞馬遜貝索斯、微軟蓋茨、Facebook朱克伯格等億萬富豪都嚟自美國，話美國係富豪發源地真係冇錯。不過，原來舊年，平均每21日，就有1位美國億萬富豪跌出排名榜，同時間，中國就多7個富豪上榜。咁神奇？
舊年全球最有錢嘅人夾埋嘅資產總值有1萬億美元，好多富豪都來自美國，但隨住全球財富轉移至亞洲，愈嚟愈多亞洲富豪打入億萬富豪榜。
根據彭博億萬富豪指數（Bloomberg Billionaires Index）顯示，舊年平均每21日，就有1位美國富豪跌出排名榜，同時泰國多4個富豪上榜，印度多5個，中國多7個。而香港與美國同病相憐，有3名富豪落榜！
雖然中國舊年有38人打入富豪榜，僅次於德國39人，但美國依然排第一，共有160人上榜，繼續係「富豪數量之最」！
至於以上嗰38位中國億萬富豪舊年嘅總淨資產總共增加咗1,770億美元，增幅高達65%，喺全世界49個國家億萬富豪中，增幅係最大！
余絲韻