騎呢假期出名多
不過公司咁體貼嘅關懷，睇怕受惠者唔好，仲未退休返緊工而又有條件抱孫嘅，除非閣下廿幾歲就做咗阿爸阿媽，而閣下位公子千金又係廿幾歲做人阿爸阿媽，咁先得。
呢間公司出名假期名堂多，好似每年入職月可獲一日有薪「入職紀念假」、每年兩日「義工假」鼓勵員工參與社會義務工作、每年一日「家庭關顧假」畀員工同家人共聚天倫（唔知使唔使證明嘅呢可？）仲有隻「職業暫休假」，畀你最長放一年無薪假去「追求個人目標或夢想」！絲絲覺得，咁等於同愛人講「畀一年時間我，我想搵過個正啲嘅！」咁愛你，人家實等你都得！
余絲韻