做女人，想退休老來安樂，有人陪伴有商有量當然好，但凡事都要有兩手準備，萬一要靠自己亦要No Problem。
咪自恃後生，以為退休唔關自己事！退休嘅「準備工程」，悠閒啲要用三十五年準備，急的話亦至少要用十年安排。否則……
想將來有個自主嘅退休人生，先Check吓自己做咗以下7樣未。查實男人都一樣啱睇。
先將為退休所儲積蓄及投資，與其他錢分開。呢筆私己退休積蓄，除退休外絕不動用，更永不外借，話知係配偶定仔女。很多女人老來先胼手胝足，唔係冇儲蓄冇籌謀，而係錯在畀親人當做「銀行」。
保險公司提供嘅年金計劃，可讓投保人未退休仍有收入時預先供款，到退休後，等保險公司分期發放指定金額。
咪只一味諗住儲舊錢慢慢「搣」，記住要加啲可以為你退休後帶來收入嘅資產，例如股票收息、物業收租咁。
緊記，樓按都係債！
要另預一筆緊急基金，只用於退休後嘅突發緊急情況。記住，唔好做他人嘅救急ATM機！
要早定好時間表兼計定買賣樓及搬遷開支，仲要趁自己仲有心有力嘅年紀好做，就算唔使自己搬與抬，Pack同Unpack一樣好甘！
有疑問，就問專業財務顧問，配偶或仔女唔算。
余絲韻