微軟創辦人蓋茨兩年前曾經講過，佢人生其中一件憾事就係冇好好學任何一種外語。不過，佢最近好似有啲進步喎。事關佢上星期喺微信開咗個公眾帳戶「gatesnotes」，仲出咗一條片，用普通話講咗十二隻字：「你好，歡迎來我的微信公眾號。」
條片出咗幾日，已經有超過10萬次瀏覽同9,000次讚好。蓋茨仲話會喺呢個平台分享佢嘅所思所感，包括見過嘅人、睇過咩書，以及學到啲乜嘢，內容會涵蓋健康、能源，以至資源等，由周二開始恒常出Post。
至於大家對佢講中文嘅反應都幾唔一樣，有人向佢送上鼓勵，亦都有人話佢嘅中文發音冇facebook教主朱克伯格咁好。Anyway，「活到老學到老」都係一件好事嚟嘅，大家就拭目以待，睇吓佢有咩分享啦！
余絲韻