有人話成功最緊要係天賦，如果天賦不足，任憑你幾努力都冇用；亦有人認為成功須苦幹，如果唔下苦工，幾有天分都冇用。咁有天賦又肯捱嘅話，係咪一定會成功呢？南韓人氣車模車慧利就係最佳成功例子喇！
出生於南韓仁川廣域市嘅車慧利，相信男士第一眼見到佢，都會被佢嘅美貌迷倒，加上前凸後趷嘅火辣身材，更叫人一見難忘。究竟慧利幾時開始同車結下不解之緣呢？2012年喺南韓舉辦嘅電單車錦標賽中，出現一位性感美艷嘅賽車女郎，吸引大家嘅目光，而呢位五官俏麗嘅囡囡就係車慧利，當時佢係一位新進模特兒。自從呢次驚艷處女登場後，慧利喺賽車迷心目中就留下深刻印象，而佢嘅靚相亦喺網絡瘋傳，人氣直線飆升。及後，佢以車模身份喺汽車工業展覽會、改裝車展及新車發布會上亮相，甚至成為賽車隊伍嘅專屬模特兒。隨住喺車模界及賽車女郎界成功上位，慧利開始涉足其他工作範疇，除咗為汽車、時裝及化妝雜誌拍攝寫真外，又為各種商品拍廣告，並成為手機遊戲嘅代言人，與此同時佢又上電視節目擔任嘉賓，密密演出加上大量嘅曝光率，現時慧利絕對係火力全開谷事業。
雖然慧利今時今日喺模特兒事業上獲得相當唔錯嘅成績，而且得到唔少粉絲嘅支持，但原來當初佢有諗過離開模特兒界。話說2012年佢喺一間公關公司工作，因為同事安排上出錯，以致當日演出嘅模特兒冇出現，喺危急嘅情況下，同事要求外形討好嘅慧利頂上，就係呢次臨危受命嘅機會，令佢被模特兒公司睇中，邀請佢喺電單車錦標賽中擔任賽車女郎，當時佢都係抱住一試無妨嘅心態，點知試過之後，發現原來賽車女郎嘅工作並非佢所想咁簡單，唔單止要承受酷熱天氣嘅煎熬，更忙到連去洗手間嘅時間都冇。佢本嚟打算唔再做落去，但卻估唔到初次亮相後竟然如此受歡迎，模特兒公司便力勸佢再嘗試一下先作決定，經過兩個多月嘅考慮之後，佢就畀多次機會自己，化身成車模登場，同時佢亦發現相當享受喺鏡頭前展現個人美態，從呢一刻開始，佢決定以模特兒作為自己嘅事業。雖然因為一次偶然機會而入行，但唔代表佢抱住玩玩吓嘅心態，每當接到工作後，佢都會花時間搜集資料，以及了解工作嘅內容，好讓自己能夠掌握當中細節，做到最佳嘅表現，呢種專業嘅精神，值得大家學習呀！
簡介：有人話車慧利最性感嘅部位，係佢激凸嘅雙子峰，又有人覺得佢厚厚嘅朱唇相當誘人，亦有人覺得佢修長美腿叫人眼前一亮，無論邊個部位都好，總之Click入佢嘅IG，就有大量靚相睇，火辣身材一覽無遺。
網址：https://www.instagram.com/hyeri1011/
出生地：仁川廣域市
身高：168cm
三圍：35、23、35
撰文：魂