自女兒懂事起，林正宏與太太便將理財觀滲透於日常生活中，他指，「囡囡活潑聰明，唔會直接教佢啲咩大道理，冇特別準則，主要係激發佢哋嘅好奇心，作出互動教學，普遍小朋友對錢嘅觀念係好薄弱，所以我哋大原則係父母以身作則，令小朋友了解『需要』同『想要』之間嘅差別。」
他坦言，父母教子最緊要是言行一致，又舉例說明，小朋友讀書固然要買文具，她們選擇時會衡量美觀與實用等因素，主要反映其喜好，沒有絕對的對與錯，若選擇的原因合理，便會交由她們做決擇，在決定過程中，父母會加入討論，作引導的角色；同時，父母不應作出過量消費，做法應貫徹始終。
另一個他希望兩女兒學懂的道理為「延遲消費及延遲享樂」的好處。「好似身邊有人畀糖佢哋食，我會問『依家食開心啲，定係遲啲食開心啲？』從而訓練佢哋抵抗誘惑；喺用錢時，令佢哋分辨到『買』定『唔買』會好啲。」
多數兒童未能明白儲蓄意義，林正宏兩夫婦每年會抽取數百元利是錢，其餘全數作儲蓄，讓女兒親自管理，讓她們「實習」一下，了解消費後果。