全世界唱淡英國脫歐後金融市場將會崩潰，惟未至於世界末日！近期市場對相關不明朗因素有點誇大，見港股連續兩日低開後反彈，昨日更升市收場，不排除醒目錢已入場。
事實上，睇番港股通數據，六月中至昨日，港股通平均每日資金流入有29億元人民幣，過去十一個交易日累計流入資金321億元人民幣，似乎真係有北水在慢慢吸貨，而目標包括滙控（00005）、內銀及港交所（00388）。相信七月市況會大翻身的好友，不妨跟住北水手影行事。
踏入下半年，似乎有唔少新股排隊上市，且不乏大晒士新股，呢個亦係企融業對後市展望取向的一個指標。
從事醫藥分銷及藥品零售業務的華潤醫藥，已就於香港主板上市遞交申請，市場預計最快可於第三季尾、第四季初上市。據外媒報道，由華潤集團分拆出來的華潤醫藥，集資額介乎15億至20億美元。
講開醫藥股，不妨留意隻國藥控股（01099），股價由二月低位25元水平，反覆回升至本月高位見37.8元，暫看36至38元水平是一個阻力區，短線只要守穩35元水平，整固過後有望反覆挑戰40元大關，適逢下季板塊內會有大型IPO籌備上市，且看現成股份會否先行起動。
司慕渢