絲絲講場：財仔吸客開埋Coffee Shop
香港人歎慣、畀人寵到一個地步，一般服務質素已經打動唔到大家。話說家陣連做貸款生意都要講究客戶體驗，開埋自家Coffee Shop嚟冧客。
話說做樓按生意嘅康業信貸快遞，佢哋喺旺角個新網點，可以話同銀行睇齊，安排咗部視像櫃員機，客仔可以做晒申請、批核、兼即時拎埋現金。
咖啡甜品冧客等批核
最令絲絲寫個「服」字嘅係，佢哋連客人等批核貸款時嗰十幾分鐘都照顧埋，特別喺隔籬開多間Coffee Shop 「Le Dessert Palais」，客人只要喺個櫃員機打印張甜品贈券出嚟，就可以過隔籬一邊免費飲咖啡食甜品，一邊等批核！啲甜品精緻到手機先食放ig都仲得。