就連亞馬遜CEO貝索斯都玩埋一份，佢名下嘅Blue Origin公司正研發一艘叫New Shepard嘅商用宇宙飛船，最近完成亞軌道火箭引擎開發，預計可以載三位乘客去距離地面100公里嘅空間，仲話好快有得試飛，咁即係幾時？唔肯講日子喎！
先進行無人試飛
其實好多公司都研發緊商務太空旅行服務，好似維珍銀河公司嘅SpaceShipTwo太空船可以載6位乘客同2位駕駛員，雖然舊年試飛時發生意外墜毀，仲搞出人命，不過維珍已決定今年會再試飛。
前車可鑑，Blue Origin今次講到明會進行咗幾十次無人試飛，先會載人試飛。係囉，安全第一。
余絲韻