該報道話，宗慶后同AC米蘭副主席芭芭拉傾得好埋，似乎有意收購AC米蘭喎。宗慶后對於呢個傳言似乎一頭霧水，佢話自己完全唔識芭芭拉，亦都唔熟AC米蘭，仲話佢都係因為記者採訪佢先知有件咁嘅事。佢否認之餘，仲講到明自己一條心搞實業，冇諗過亦都冇興趣投資球會。
娃哈哈拍住曼聯搵食
本來呢，娃哈哈集團同處於足球圈嘅AC米蘭就真係風馬牛不相及。但近年AC米蘭就傳出陷入經濟困境，芭芭拉想引入資金改善營運。
舊年一月娃哈哈成為咗英超球會曼聯嘅官方合作夥伴，仲同曼聯一齊做咗一款新嘅功能性飲品「啟力」。就係咁，收購傳言就多幾分可信度啦。
余絲韻