回收貸款要鬥快
「救火隊隊長」常振明出任信行董事長以來，配合埋嚟自建行（00939）嘅朱小黃做行長，信行表現大翻身。絲絲見到內地傳媒引述常振明工作會議發言，講到明「客戶可能就這麼多資產，就看誰反應快，誰快誰拿走，你快了別的銀行就拿不走，今年的壓力就很大」。絲絲腦中立即浮現早排以銀行業做題材嘅熱爆日劇《半澤直樹》入面，主角同金融廳鬥快回收破產客戶資產嘅一幕。
其實朱小黃喺舊年八月已經講到明資產質素好「刺眼」，不過常振明既然已經「半澤直樹」上身，信行回收貸款都算積極，怪唔得之近排信行畀人炒得咁勁，A股仲去返一倍市帳率樓上啦。「半澤直樹Mode」果然Work！
余絲韻