尋日個傳聞係咁嘅：恒大將喺全國142個城市實行折扣優惠，通過恒大內部員工介紹可額外享受97折優惠，其中佢哋喺鄭州、合肥、瀋陽嘅盤就有唔同幅度嘅優惠。
呢排內地氣溫急跌，度度都係凍冰冰咁，大家聽到呢個傳聞，個心直頭再涼多一截呀。
僅屬員工買樓優惠
好彩老友即刻解答到絲絲嘅疑問，老友話唔係減價，純粹益吓員工啫，其實呢個買樓優惠做咗十幾日，針對嘅對象主要係員工同埋佢哋嘅親朋戚友，因為喺農曆新年期間，有唔少員工都會返自己屋企過節，所以公司就喺呢段時間，畀個優惠佢哋同佢哋身邊嘅人買恒大樓，個優惠做埋聽日。老友話，其實享受到呢個優惠嘅人都唔係好大範圍啫，絕對唔係有報道所講，話佢哋公司減價。
余絲韻