絲絲講場:阮國恒大爆 人幣貿結傾得苦

香港離岸人民幣業務突飛猛進,由○九年開放人民幣跨境貿易結算試點開始,人民幣跨行轉帳、人民幣貸款等業務接踵而來。不過,原來當日金管局同人行、外匯局等內地監管機構商討框架時,絕對係有血有淚。

事緣早喺○八年八月,現任金管局副總裁阮國恒(Arthur)、彭醒棠(Peter),以及現任外事部主管尹子輝等一干人等,北上內蒙海拉爾同人行磋商人民幣跨境貿易結算框架,連續兩日朝八晚十一開會,認認真真咁傾細節,當中又為最關注嘅「真實貿易背景要求」下定義。

每日開會15粒鐘

Arthur話,朝早七點食早餐,八點開始第一節會議,傾到中午就食飯,中間抖一抖,下午四點又開始第二節會議,晚飯完畢開最後一節到夜晚十一點先完。每日十五個鐘頭咁傾法,真係人都呆,傾到出現樽頸位時,一班官員都會去到海拉爾浩瀚嘅大草原,邊行邊傾,結果真係傾得掂喎。

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!

余絲韻