絲絲講場：阮國恒大爆 人幣貿結傾得苦

事緣早喺○八年八月，現任金管局副總裁阮國恒（Arthur）、彭醒棠（Peter），以及現任外事部主管尹子輝等一干人等，北上內蒙海拉爾同人行磋商人民幣跨境貿易結算框架，連續兩日朝八晚十一開會，認認真真咁傾細節，當中又為最關注嘅「真實貿易背景要求」下定義。

每日開會15粒鐘

Arthur話，朝早七點食早餐，八點開始第一節會議，傾到中午就食飯，中間抖一抖，下午四點又開始第二節會議，晚飯完畢開最後一節到夜晚十一點先完。每日十五個鐘頭咁傾法，真係人都呆，傾到出現樽頸位時，一班官員都會去到海拉爾浩瀚嘅大草原，邊行邊傾，結果真係傾得掂喎。