絲絲最想知嘅，梗係人工加幅到底有幾多，係咪可以追上通脹喇！Fiona話，人工冇話加得好多，但已經非常滿意，喺過去兩年幾與團隊一直合作愉快。升職加薪後，Fiona嘅工作量當然有增無減，依家佢除咗要上電視接受傳媒訪問外，仲會定期主持窩輪工作坊，向散戶傳授實戰炒輪心得。
捱過海嘯有後福
絲絲記得Fiona喺○八年十月，即係金融海嘯發生後冇耐，由公司行政部轉去賣窩輪，佢一度擔心會唔會立即被Out。不過隨着時間嘅過去，加上佢本身嘅努力，Fiona成功跨過金融海嘯，依家更「升呢」，難怪佢開玩笑咁話，今次係「大難不死，有少少後福」。
余絲韻