絲絲喺剛周日去維園睇渣打馬拉松，見到好多熟口熟面嘅老友落場，當中更有冠軍級人馬，佢就係恒生銀行（00011）嘅員工肖愛麗（Alison Shaw），呢位來自英國（已有香港身份證）嘅女健將，唔使38分鐘就跑完10公里，比第2名足足快咗分幾鐘。Alison來自恒生頭號長跑愛好者──助理總經理張樹槐（Walter）嘅部門，任職企業傳訊部高級編撰經理。
唔知喺咪受Walter感染，恒生嘅企業傳訊部真喺「卧虎藏龍」，有唔少出色嘅跑手，連Walter嘅秘書都係長跑健將，完成過4次半馬拉松。
絲絲亦見到康宏理財（01019）主席王利民參賽，佢話已參賽多年，今次佢就以目標4小時內完成全馬賽事，而且打破咗個人紀錄。佢之前都參加過毅行者，而渣打馬拉松賽事就係第4年參加，今次成績咁好，明年冇理由唔跑啫。
余絲韻