農曆新年過去，不過拜年必備但食極都唔完嘅賀年食品仍「揮之不去」，為咗幫助有需要人士，滙豐銀行連續第7年舉辦食品捐贈行動，今年籌得超過2,700件食品，滙豐香港區行政總裁馬凱博帶隊送暖，尋日將食品送予慈善團體，轉贈予有需要嘅人士。
由○五年起，滙豐每年喺新春期間向全體員工募捐食物，每次都有好反應，捐出大量米、麵、罐頭及餅乾等，今年唔單止員工有得參加，客戶都可以出一分力。全港共有10家滙豐分行設有食物捐獻站，港人做慈事一向不遺餘力，就連捐食物亦唔例外，滙豐客戶見到有心人口號：「善心連綿，轉出好運連年」，即刻踴躍支持。
除咗捐贈食物之外，滙豐員工亦可以捐錢支持，只要透過內部餐券售賣機每捐出18蚊，就可以為有需要人士提供一日膳食，共獲得近200位善長支持，籌得逾萬元善款。
余絲韻