絲絲講場：宋鴻兵《貨幣戰爭》出Part3

探討人民幣國際化

宋鴻兵喺韓國首爾出席「世界知識論壇」時，順便Sell吓即將推出嘅新書《貨幣戰爭３——貨幣高邊疆》（Currency high Frontier），呢本書嘅主要內容當然包括熱門話題─人民幣國際化。

依家宋鴻兵係大紅人，佢話美國嘅寬鬆貨幣政策將引發「貨幣戰爭」，中國嘅巨額外匯儲備會面臨難題，雖然「貨幣戰爭」唔係真正戰場上打殺，但所造成嘅損失會遠大於真正戰爭。佢本新書會講吓國家主權嘅新思維，以及人民幣國際化對亞洲世界嘅影響，又會解釋人民幣國際化唔係威脅而係機遇。

佢喺演講中提出一個好有趣嘅問題，話中國係美國第一大債權人，等同債主，通常債仔會尊重比較惡啲嘅債主，但依家中國與美國嘅位置似乎倒轉咗，好似中國欠咗美國好多錢，美國呢個債仔竟然對債主提出好多要求，佢仲奉勸美國政府與學者應該冷靜落嚟，搵出合理嘅解決方案。