融和不同國籍員工
便服日、睡衣日大家可能聽得多，究竟「多元文化交流日」又係乜呢？老友同絲絲講，話原來花旗有好多唔同國籍嘅員工，佢哋希望透過交流日，畀員工穿着唔同國家或民族嘅服裝，令員工可以喺工作以外，互相交流文化，鼓勵員工要尊重及接受各種文化或背景嘅差異，讓工作間嘅氣氛更融洽。
唔單只員工，絲絲見到花旗嘅管理層都好支持交流日，好似香港花旗集團首席財務總監施瑋信咁，佢本身係印度人，特登着番套家鄉嘅傳統服飾，與員工打成一片。
老友話，佢哋裝扮一番之餘，仲希望可以將呢種文化融和嘅精神宣揚出去，所以就身體力行捐款畀協康會，幫助香港有小朋友嘅東南亞裔家庭。
余絲韻