期指觀瀾：資金狂湧入繼續睇升
美金跌到散晒，美匯指數連77都守唔住，睇番由九月初83.5起步，美金兌一籃子貨幣貶值咗7.8%，揸住美鈔、港元或者基本上同美元同氣連枝的人民幣嘅投資者，要想辦法避免鈔票貶值，結果三地股市升完可以再升。
尋日港股開高227點，見23,685點，之後大部分時間在23,650至23,800點之間徘徊。到三點半之後，歐洲股市開高，好友再下一城，恒指以接近高位的23,852點收市，期指高水昨回復正常，升293點報23,874點，大市總成交升至1,385億元，升勢完全有足夠成交去配合。
除揸貨之外，筆者多日都沒法子有其他更有益有建設性的提議。事實上，今次美元大弱勢引發資金湧入股市，兇猛程度是海嘯後鮮見，即使對經濟或者後市唔睇好，亦絕對不宜太早睇淡。
勢估唔到，在23,220點買的期指，初步目標23,750至23,900點，結果兩日到位。筆者除了繼續揸好倉外，沒有其他想法，今日開始把止賺位再調高去到23,750點，如收市低於此水平，便平倉去也。
John Mullen