期指觀瀾：等候調整再建好倉

昨日港股由頭升到尾，恒指收報21,355點升384點，即月期指收報21,353點，在收市前一刻，期指由21,310點附近衝上接近全日最高位收市，明顯地，好友未有見好就收，無打算放生淡友的意圖。

上周於20,825點買入的好倉，昨日在午市一開市，已順利在21,250點平倉套利，估唔到三點後再升穿21,250點阻力，期指半小時可以再向上衝超過一百點，市底強得出奇。恒指及期指重要阻力分別在21,467及21,352點，後者已破，可惜的是現貨還差些少，假如升穿收市，可以確認今浪頂唔會係上次21,805點咁簡單。儘管筆者看好後市，但相信恒指去到21,467點淡友的最後防線，將有一番惡鬥。好倉走得早，筆者惟有等機會再買。如果期指能回到21,100點樓下，筆者會再開始入市累積好倉。

John Mullen