大市尋日上上落落，但始終都未能收復20,700點水平，後市表現實在未宜樂觀。不過，個別股份仍值得追捧，今日股膽就揀來瑞聲聲學（02018），集團於下周一公布業績，其股價在日前已悄悄起動，昨日逆市升3.4%，並收復20日線水平，料在業績公布前將續有炒作。
瑞聲為全球領先的微型聲學器件製造商之一，主要客戶包括諾基亞、蘋果公司及三星。公司早前雖然指今年營運表現或遜預期，惟相信受惠於iPhone產品需求的強勁帶動下，公司踏入下半年業務可逐步改善。加上集團最近亦進軍手機鏡頭市場，展望新業務可以成為公司盈利的新增長動力。
據港交所（00388）資料顯示，Capital Research and Management最近又於八月十二日，以每股平均價12.634元，增持229萬股瑞聲，持股量增至8.05%。基金一再增持，難怪瑞聲股價亦見跌唔落，目標15元。
近日新股熱潮再現，所以今日配腳亦揀來半新股勝利管道（01080）趁吓熱鬧。雖然集團中期業績並不理想，惟股價一直於1.6元水平徘徊，現水平好明顯已跌唔落，加上近日半新股有翻炒，博反彈機會大，目標價先睇2元，穿1.5元止蝕。
珠寶零售股炒不停，景福集團（00280）持續勢強，股價昨日再升3.8%，不妨跟勢炒番轉。
瑞聲聲學（02018）
目標價：15元
止蝕位：12.5元
戰鬥力：*****
膽
勝利管道（01080）
目標價：2元
止蝕位：1.5元
戰鬥力：****
腳
景福集團（00280）
目標價：1.2元
止蝕位：1元
戰鬥力：****
腳
帥哥