資助「圓夢世博1+1」
世博會平日優惠門票都盛惠100蚊人仔，假日就更貴，所以內地唔係人人都負擔得起，更何況係貧困兒童？早前恒生中國就資助咗上海市慈善基金會主辦嘅「圓夢世博1+1」系列活動，由201位義工帶領201位貧困農民工子女參觀世博會，畀佢哋圓夢世博，呢班兒童有部分來自民辦大別山小學，有啲兒童嘅父母亦有參與世博相關建設。
至於參與今次活動嘅義工，大多數來自恒生中國，其中有部分仲特登自費由杭州、寧波專程到上海參加今次活動，認真熱心。薛太就話，好開心可參加呢項活動，畀更多兒童感受世博會嘅盛況喎。
余絲韻